दुर्गा प्रसाईंलाई रिहा गर्न सर्वोच्चको आदेश

काठमाडौं, ५ पुस । सर्वोच्च अदालतले मेडिकल व्यवसायी दुर्गा प्रसाईंलाई रिहा गर्न आदेश दिएको छ। न्यायाधीशद्वय नहकुल सुवेदी र शारङ्गा सुवेदीको संयुक्त इजलासले दोस्रो पटक दायर गरिएको बन्दी प्रत्यक्षीकरण रिटमा उनको पक्षमा निर्णय गरेको हो। 

प्रसाईंले साइबर अपराधसम्बन्धी मुद्दामा धरौटी तिरेर रिहा भए पनि प्रहरीले पुनः पक्राउ गरी अनावश्यक दुःख दिएको गुनासो गरेका थिए। सर्वोच्चले उक्त गुनासोमा सुनुवाइ गर्दै साधारण तारेखमा रिहा गर्न आदेश दिएको हो। 

प्रसाईंलाई यसअघि प्रधानमन्त्री केपी शर्मा ओलीविरुद्ध भ्रम फैलाएको र व्यापारीलाई धम्क्याएको आरोपमा प्रहरीले पक्राउ गरेको थियो। अदालतको पछिल्लो आदेशपछि उनी अब रिहा हुनेछन्।